பாவத்தை அறுப்பது நமசிவாய மந்திரம்

நான்காம் திருமுறை

பாடல் 3 

விண்ணுற அடுக்கிய விறகின் வெவ்வழல் 

உண்ணிய புகில் அவை ஒன்றும் இல்லையாம் 

பண்ணிய உலகினில் பயின்ற பாவத்தை 

நண்ணி நின்று அறுப்பது நமச்சிவாயவே

ஆகாயம் வரை மிகவும் உயரமாக கட்டைகள் அடுக்கி வைக்கப்பட்டுள்ள குவியல் ஆயினும், ஒரு தீப்பொறி அந்த அடுக்கினில் படர்ந்துப் பற்றிக்கொண்டால் அனைத்து கட்டைகளும் சாம்பலாக மாறி ஒன்றும் இல்லாத நிலை ஏற்படுவது போல், நாம் இந்த உலகினில் தொடர்ந்து செய்த பாவங்கள் எத்தனை ஆயினும் அவை அனைத்தையும் சுட்டெரிக்கும் தன்மை வாய்ந்தது நமச்சிவாய என்னும் திருநாமம்.